Бурхан ч, буг ч дотор тань бий. Гагцхүү түүнийг барих л хэрэгтэй.

Бурхан ч, буг ч дотор тань бий. Гагцхүү түүнийг барих л хэрэгтэй.

Ц.Лувсандорж
2017 оны 12 дугаар сарын 26-ны өдөр

Өгөх, авах

Өгөхөд учир үгүй.
Учир нь энэ жам.
Авахад учир их бий.
Учир нь тэр нь өр.

Ц.Лувсандорж

2017 оны 12 дугаар сарын 25-ны өдөр

Хураах бус хуваа

 Хураах бус хуваа

Хураасаар хураасаар хоосорч  очих нь зам мөн гэхдээ жам биш.

Хуваасаар хуваасаар оршиж одох нь жам мөн гэхдээ зам биш.

Жам биш замаар замнасан нь  хоолтой хоновч хоосон.
Зам биш жамыг дагасан нь хоолгүй өнживч  хоолтой. 

Хуваасан хоосонг хоолгүй гэж бүү бод.
Хураасан хоолтой хоолтой гэж бүү сана.

Жам биш замыг дагасан нь  хураасаар хоосорч одно.
Зам биш жамыг барьсан нь хуваасаар дэвшиж очно.

Ц.Лувсандорж 

2017 оны 12 дугаар сарын 22-ны өдөр


http://monaphorism.blogspot.com/2017/12/blog-post_21.html

Алтан харьцаа

Алтан харьцаа

Алтан харьцаа энгийн харьцаа
Алтан харьцаа энгүй харьцаа
Алтан харьцаа аугаа харьцаа
Алтан харьцаа Бурханы харьцаа

Алаг нүд тань алтан харьцаа
Алд бие тань алтан харьцаа
Авдаг өгдөг тань алтан харьцаа
Амьдрах алсрах тань алтан харьцаа

Ургах үе тань алтан харьцаа
Урагшлах заяа тань алтан харьцаа
Уулзах учрал тань алтан харьцаа
Урсах нулимс тань алтан харьцаа

Хайрлах уулс тань алтан харьцаа
Харуулдах үүлс тань алтан харьцаа
Өрнүүлэх үйлс тань алтан харьцаа
Урлах бүтээл тань алтан харьцаа

Элгэн нутаг тань тийм л алтан
Эх дэлхий тань ийм л алтан
Энэ ертөнц тань тэр  л алтан
Энгүй орчлон тань энэ л алтан

Алтан харьцаа ижлийн харьцаа
Алтан харьцаа цулийн харьцаа
Алтан харьцаа бүхлийн харьцаа
Алтан харьцаа бүхний харьцаа

Ц.Лувсандорж

2017 оны 12 дугаар сарын 18-ны өдөр

Тэсийн голь минь

    Тэсийн голь минь
 
Тэс тэс  шивнэдэг.
Тэс тэс  дуугардаг.
Тэсэхэд тэвчээр шаарддаг.
Тэссэнд нь чанадас хайрладаг.
Тэс хөлдөг тэс гэгддэг.

   Тэсийн голь минь






Ц.Лувсандорж 

2017 оны 12 дугаар сарын 16-ны өдөр 

Багш монголоо гоёно

 Багш монголоо гоёно

Багш Монгол хоёр угтаа нэг.
Багш ядуурахад Монгол л ядарна.
Багш дэвжихэд Монгол л дэвшинэ.
Монгол багш  хоёр ийм л нэг.

Багш тэгэхээр монголоо гоёно.
Монгол ингэхээр багшаар гоёно.
Тэр цаг гоё цаг хөгжлийн цаг.
Энэ цаг дэвшлийн цаг гоё цаг.

Тэр цагийг энэ цаг гоёж бүтээнэ.
Тэг шиг хүчээр сийлж урлана.
Нэг шиг нэгслээр хийж цогцлооно.
Тэгсэж нэгсэхийг гэрчилж үлдээнэ.


Багшаар гоёсон монгол дэвжинэ.
Монголоо гоёсон багш дэвшинэ.
Монгол багшаар гоёно.
Багш монголоо гоёно.

Ц.Лувсандорж

2017 оны 12 дугаар сарын 16-ны өдөр 

http://monaphorism.blogspot.com/2017/12/blog-post.html

Наанаа эрхэм гэхийг айлдана

Наанаа эрхэм гэхийг айлдана

Наанаа эрхэм гэхийг айлдана.
Цаанаа эрхэм бусыг үйлдэнэ.
Айлдсан нь үйлдснээсээ зөрнө.
Зөрүү нь бурууг дэвэргэнэ.

Зөрүүн дэвэргэсэн буруу
Зөвийн эсрэг давшилна.
Бурууд бурантлагдсан зон
Зөрүүг зөв гэж мунгинана.

Зөн нь зөв зонд, гэвч
Зөрүүг барих цаг ирнэ.
Сэтгэл нь тэнүүн тэдэнд
Бурууг засах үе төрнө. 

Ц.Лувсандорж

2017 оны 11 дүгээр сарын 27-ны өдөр

Гоё монголыг бид хамтдаа их ухаанаар оёж бүтээнэ, гоёж урлана.

Гоё монголыг бид хамтдаа их ухаанаар оёж бүтээнэ, гоёж урлана.

2017 оны 11 дүгээр сарын 25-ны өдөр

Удирдагч руугаа нулимагчид эцэстээ шингэх орон зайгүй л болдог.

Удирдагч руугаа нулимагчид эцэстээ багтах орон зайгүй л болдог.

2017 оны  11 дүгээр сарын 10-ны өдөр

Ховор өдрийн хайрын тохиол

Ховор өдрийн хайрын тохиол

Хэрэмний хөөрхөнд
Хөвгүүд хөөрсөн
Өвлийн атлаа намрын
Энэ өдөр ховор өдөр. 

Дээрх тэнгэр цэв цэнхэр
Доорх газар алаг эрээн
Тэртээх уулс хөглөрч хөлөрсөн
Дэргэдэх үгс хөг орж уянгалсан
Сэтгэл эгшиглэсэн
Бодолд хөвөрсөн
Хачин энэ өдрийн
Ховор хайрын тохиол нэг л хайрын.

Бүлтгэр хар нүдээ бүлтэлзүүлж
Гараас ганц ширхэг самар авах
Хэрэмний үйл нь их өхөөрдөм, хайрын
Авсан ганц самраа хагасалж идээд
Үлдсэнг нь газарт энд тэнд нуух
Хэрэмний амьдрал их хөөрхөн, хайрын

Хэрэмний энэ үйл жам ёс юм.
Хэрэмний хэрсүүжилт их сургаал мөн.
Хэрэмний бүлтгэр нүд том хичээл юм.
Хэрэмтэй энэ тохиол их хайр мөн.

Хөвүүдтэй, хэрэмтэй хамт өнгөрөөсөн
Намар шиг өвлийн ховор энэ өдөр
Нэг л сайхан, нэг л хөөртэй
Нэг л хөөрхөн, нэг л ховорхон,
Нэг л их хайрын.


2017 оны 11 дүгээр сарын 4-ны өдөр
Шарга морьт

Улс мандсан өнгөрсөнтэй тэмцэлдэхээсээ илүү улсаа дампууруулсан өөрсдтэйгээ тэмц.

Улс мандсан өнгөрсөнтэй тэмцэлдэхээсээ илүү улсаа дампуурсан өөрсдтэйгээ тэмц.

2017 оны 11 дүгээр сарын 2-ны өдөр 

The more mathematical one is, the more spiritual he is.

 The more mathematical one is, the more spiritual he is.

 The more spiritual he is, the more mathematical one is.

               24 Oct 2017

Манай улсыг багш нар мандуулна

Манай улсыг МАНАН биш харин БАГШ НАР мандуулна. МАНАН-аас манан л бий болдог. Тэднийг зүгээр л орхи. Хүний увайгүй үйлдлээр бий болсон мананг тийм амархан замхруулж чадахгүй. Тэгэхээр мананг зүгээр орхи. Тэгэхэд тэд байх байраа өөрсдөө олчихно.


Ц.Лувсандорж

2017 оны 10 дугаар сарын 15-ны өдөр

Улсаа удирдах жам ёсыг бид дагадаггүй, гунигтай

Улс орныг хоосон тархи, сүржин дүр, хөөрсөн зүрхээр биш харин эрдэм мэдлэг, саруул ухаан, их туршлагаар л хөтөлнө. Улсын дампуурлаж, түмнийг ядууруулсан он жилүүдэд улс удирдах энэ жам ёсыг  монголчууд бид даанч дагасангүй дээ. Харамсалтай. 

Багш, сэхээтнээ баас гэж хэлдэг улс төрч гэгчид ч хүртэл бий болсон байх. Тэднийг тахин шүтэгч цахим ард бүлэг хүртэл бий болсон байх. Гунигтай.

2017 оны 10 дугаар сарын 7-ны өдөр 

Багш их мэргэжил

Багш мэргэжлээ олигархийн савраас салгах, багшийг ядуурлаас гаргах язгуур эрх ашгийнхаа төлөө тэмцлийн энэ өдрүүдэд
Багш бүр Манлайлагч,
Удирдагч,
Уран илтгэгч,
Үзэл бодлоо илэрхийлэгч
Тэмцэгч
байж чадлаа.
Багш нараараа бахархаж байна. Та нартаа баярлаж байна.

2017 оны 9 дүгээр сарын 27-ны өдөр 

Зориг үл хүрвээс ухаан үл хүрнэ.

Зориг үл хүрвээс ухаан үл хүрнэ.

Эрсдэл үгүйд өгөөж үгүй.

Эрсдэл үгүйд өгөөж үгүй.

(No risks No returns)

Учрах, учрахгүй утга

Учраа олоогүй учралаас хол бай.
Учраа, харин, олж байж учирч бай.

Ц.Лувсандорж

2017 оны 9 дүгээр сарын 8-ны өдөр

Гаднаасаа өтсөн тос

Гаднаасаа өтсөн тосыг дотроос нь цэвэрлээд нэмэргүй. Түүнийг цэвэрлэхийг хүсвэл эхлээд гаднах өтөлтийг зогсоох хэрэгтэй.

Ц.Лувсандорж


2017 оны 8 дугаар сарын 18-ны өдөр

Жинхэнэ хийгээд хуурмаг профессор

Жинхэнэ профессорт дэлхийн дэвжээ томддоггүй.
Хуурмагт, харин,  дэргэд ширээ нь хүртэл томддог.

Ц.Лувсандорж

2017 оны 8 дугаар сарын 16-ны өдөр

Эх мэргэжил

Эх мэргэжил

Багш мэргэжил бүрийн эх
Багш мэргэжил бүрээс их
Багш иймд эх мэргэжил
Багш иймд их мэргэжил

Эх мэргэжлийг үл тоосон улс
Эрдэм ухаан, ажил мэргэжил үгүй
Их мэргэжлийг багад үзсэн нийгэм
Эрүүл дэвшил, саруул хөгжил үгүй

Эх мэргэжлийг багш гэж таньсан засаг
Цэцэн шийдэл, цэвэр үйлсээр л бялхадаг.
Их мэргэжлийг багш гэж үзсэн салбар
Гэгээн ирээдүйн саруул эзнээр л дүүрдэг.

Эх мэргэжил багш мэргэжил
Багш мэргэжил их мэргэжил
Их мэргэжил багш мэргэжил
Багш мэргэжил эх мэргэжил

Ц.Лувсандорж

2017 оны 8 дугаар сарын 10-ны өдөр

Хатуу үг

Урлаг спорт хоёроор  улс орон хөгждөггүй.
Ухаан эрдэм хоёроор л тэр харин дэвждэг.
Урлаг спортоор уралдсан нь эцэстээ хохирдог.
Ухаан эрдмээр хичээсэн нь эхнээсээ л хождог.


Дуучин гэх сүргийн нэг, бөх гэх бүдүүний хэсэг болох гэж хайран цагаа яйран үрж, хайран биеэ яйран болгодог ардчилсан гэх алийгаа алдсан энэ цагийн золиос хөөрхий залууст хандаад нэг үнэнг хатуу үгээр ингэж хэлмээр санагдаад байдаг юм. Үүнийг бас худлыг дэвэргэж хуурмгийг хөөргөдөг энэ цагийн төр засагт бас дуулгачихмаар байдаг юм.


Ц.Лувсандорж

2017 оны 8 дугаар сарын 9-ний өдөр

Хайр

Үнэн хайр мөнхийн хайрын үлгэр оюутан                    цагийн хэдхээн андынхаа гэгээн үехлийг дурсан дуурсган энэхүү мөрүүдийг тэрлэв.

                                                             Хайр

Холдох тусам тодорч бодогддог

Өтлөх тусам нялхарч мэдрэгддэг

Зөнд баригдаж зүүдэнд ирдэг

Бодолд өнжиж нойр хулжаадаг

Үг үгүй өнгө үгүй

Үлгэр үгүй нөхцөл үгүй

Үнэн хайр мөнхийн хайр

Мөнхийн хайр үнэн хайр

Сэтгэл алдарсан зүрхэнд амилдаг

Өр нимгэрсэн харцанд илэрдэг

Малгайлах цасны хэмэнд шивнэдэг

Сэвэлзэх салхины аясад эгшиглэдэг

Буруу үгүй зөв үгүй

Гэмшил үгүй нэхэл үгүй

Мөнхийн хайр үнэн хайр

Үнэн хайр мөнхийн хайр

Буурал намрын хонгор салхитай хамт

Будант өдрийн бороо манантай хамт

Үргэлж санагалзах төөрөг тавилантай хамт

Чимээгүй аяараа урсах нулимстай хамт

Зовлон үгүй жаргал үгүй

Эртдэхгүй оройтохгүй

Үнэн хайр мөнхийн хайр

Мөнхийн хайр үнэн хайр

Ц.Лувсандорж

2015 оны 12-р сарын 14-ний өдөр

Шувуу шиг ид

Шувуу шиг 


Шувуу шиг идвэл
Шувуу шиг хөнгөрнө

Гахай шиг идвэл
Гахай шиг хүндэрнэ.

Хөнгөн шувуу нисдэг
Хүнд гахай хэвтдэг
Нисдэг нь цэнгэдэг
Хэвтддэг нь өвддөг.

Өвдөхийн эх ч идэхээс
Цэнгэхийнх ч тэрнээс
Хөнгөн нь шувуу лугаа
Хүндхэн нь гахай лугаа

Гахай шиг хүндэрнэ
Гахай шиг идвэл.
Шувуу шиг хөнгөрнө
Шувуу шиг идвэл.


Ц.Лувсандорж

2017 оны 7 дугаар сарын 25-ны өдөр

Бодол шиг урсах амьдрал

  Бодол шиг урсах амьдрал

Үлгэр шиг өрнөх амьдралаа, би

Үргэлж өнгөлж чадлуу даа

Үйлэн үртэй замыг, би

Үнэн чандлаж тууллуу даа.

Нулимстад  ганцхан  ижийгээ

Дандаа  хайрлаж явлуу даа

Нартад ганцхан аавийгаа

Дээдлэн асарч  үзлүү дээ

 Орчлонд нэгхэн  багшийнхаа

 Өгснийг өргөж дэвшлүү дээ

 Орчил  нэгт  түмнийхээ 

 Түшснийг өсгөж дэвжлүү дээ

Бороо шиг асгарах нулимсаа

Дэнсэлж  нэг хэмжлээ дээ, би.

Бодол шиг урсах амьдралаа

Цэгнэж  ингэж л шинжлээ дээ, би

Ц.Лувсандорж 

2017 оны 7 дугаар сарын 21-ний өдөр

Хоёр сагсгар

           

  
                               Мурих бичгийг сурах бичиг гэх
                               Хоёрын тоог  оюутан гэх

                               Буруу бодлогыг  цэцэн  гэх

                               Бүтэлгүй нэгэн удирдагч гэх

                               Намчинг номчин гэх болтлоо дордсон боловсролын салбарт 

                               ийм сагсгар хоёр биш харин олоон бий.  

                               Сагсгар сагсалцахын хор нөлөөг найман мөрөөр "Хоёр сагсгар"-т

                               хэлэх гэж оролдов.

  

  

            Хоёр сагсгар

Арга зүй үгүй агуулга үнэгүй

Агуулга үгүй аргазүй цэнэгүй

Цэнэгүй аргазүй нэг сагсгар

Үнэгүй  агуулга  бас сагсгар

Хоёр сагсгар сагсалцахад

Хий хоосон цутгагдана.

Хоёрын тоо элбэгшинэ.

Худал, хуурмаг цэнэлэгдэнэ.

Ц.Лувсандорж 

2017 оны 7 дугаар сар 20-ны өдөр 

 http://monaphorism.blogspot.com/2017/07/blog-post_19.html

Сэтгэл, зүтгэл, ухаан

Сэтгэл дутахад зүтгэл үгүй.
Ухаан дутахад зүтгэл үргүй.

2017 оны 7 дугаар 19-ний өдөр

Хийх, хийрхэх

Хийдэг  бүтээдэг.
Хийрхдэг бүтэлгүйтдэг.

Ц.Лувсандорж 

2017 оны 7 дугаар сарын 16-ны өдөр 

Дорны анир дор

              Дорны анир дор

Мэлтэлзэх сартай дорны шөнийн  одон нөмрөгтэй тэнгэрийн дор 

Хурмастын нандин эгшигтэй шөнөжин найрсаж хөгжинө. 

.....

Дорны шөнийн анир дор

Шөнөжин найрсаж хөгшинө.

Сэвэлзэх салхитай дорны өглөөн сарны мөртэй нарны дор  

Гэрлийн мөнгөн цацрагтай өглөөжин наадаж цэнгэнэ.

....

Дорны өглөөн анир дор

Өглөөжин наадаж цэнгэнэ.

Анирлах орчилтой дорны өдрийн далайн өмсгөлтэй огторгуй дор

Огторгуйн цагаан аялгуутай өдөржин хоршиж дуулна.

....

Дорны өдрийн анир дор

Өдөржин хоршиж дуулна.

Шиврэх бороотой дорны үдшийн солонгон чимэгтэй үүлсийн дор 

Уулсын хөлөрсөн шүүдэртэй үдшийн бүрийд бүжнэ.

Дорны үдшийн анир дор 

Үдшийн бүрийд бүжнэ.

               Ц.Лувсандорж 

2017 оны 7 дугаар сар 15-ны өдөр