Цаг хугацаанаас биш харин хүнээс их эмээж яв

Цаг хугацаанаас биш харин хүнээс их эмээж яв. Учир нь энэ цагийн хүнд бугийн шинж их байдаг. Энэ цаг хүнийг бурхан чанараа биш харин буг чанараа хөгжүүлэхэд илүү хөтлөөд байдаг. Боловсрол, нийгмийн харилцаа бүгд л тэмцэл өрсөлдөөн, үзэн ядалт, авилга, хээл хахууь, ер нь буруу үйлээр дүүрэн биш гэж үү! Үгүй байна уу!

Ц.Лувсандорж
2018 оны 12 дугаар сарын 13-ны өдөр 

сурах бол амаргүй ажил

Булчин томруулахыг хүн бүр чадна. Харин тархиа хөгжүүлэхийг тэр бүр чадахгүй. Учир нь, сурах бол амаргүй ажил юм.

Ц.Лувсандорж

2018 оны 10 дугаар сарын 5-ний өдөр

Энэ жилийн эхний хичээлд зориулав.

Ном, багш хоёрын ялгаа

Үнэнг олж мэдэхэд үнэн багшаас илүү үнэтэй зүйл үгүй.

Үнэн гэдэг номонд байдаг юм биш. Хэрэв тэр түүнд л байдаг бол уншдаг бүхэн үнэнг таньчихна, барьчихна.
Үнэгүй зүйлийг л үнэндээ үнэгүй олж уншдаг юм. Үүнд л ном багш хоёрын үнэн ялгаа нь байгаа юм даа.
Иймийн тулд үнэн багш л энэ улсад үнэн хэрэгтэй байна.

Ц.Лувсандорж
2018 оны 9 дүгээр сарын 1-ний өдөр

Жич: Энэ жилийн эхний хичээлд зориулав.

Монгол эрчүүд өөрсдийгөө гамнаж бай.

Монгол эрчүүд өөрийгөө гамнаж бай. Таныг бүдрэхэд очих нь цөөн, одох нь олон. Бусад орны ижлээ ажигла. Тэднээс суралц.

2018 оны 8 дугаар сарын 15-ны өдөр 

Мастер төлөвлөгөө, мастер өр

Мастер төлөвлөж өр нэмэхийн оронд
Мастер гүйцэтгэж өр нимгэл.

(Яамныханд зориулав)

2018 оны 8 дугаар сарын 12-ны өдөр

Бүх асуудал эцэстээ боловсролоор л шийдэгдэнэ.

Манай улсын бүх асуудал бүхлээрээ эцэстээ боловсролоор л шийдэгдэнэ. Боловсрол унасан улсадболох юм байхгүй. Үүнийг л санаж бай.

2018 оны 7 дугаар сарын 20-ны өдөр 

Одоо, харин, ирээдүй тэмдэглэх зүйл үлдээв үү, бүтээв үү?

Өнгөрсөн одоод баясан тэмдэглэх их зүйлийг үлдээжээ. Одоо, харин, ирээдүй тэгэж тэмдэглэх зүйлийг үлдээв үү, бүтээв үү?

2018 оны 7 дугаар сарын 18-ны өдөр

Одоо ирээдүйд юу үлдээв, юу бүтээв?

Өнгөрсөн одоод баясан тэмдэглэх их зүйлийг үлдээжээ. Одоо, харин, ирээдүйд тийм зүйл үлдэӨнгөрсөн одоод баясан тэмдэглэх их зүйлийг үлдээжээ. Одоо, харин, ирээдүйд тийм зүйл үлдээв үү, бүтээв үү?эв үү, бүтээв үү?

Хөгжлийн мөнхийн баялаг

Хөгжлийн мөнхийн баялаг бол чадвартай хүн. Түүнийг чадвартай, мэргэжилдээ эзэн болсон багш, эмч нар бүтээнэ. Түүх ийм л юм.

2018 оны 7 дугаар сарын 6-ны өдөр

Математик үгүйрсэн улсад мангар л бий

Математик үгүйрсэн улсад мангар л бий.

2018 оны 7 дугаар сарын 6-ны өдөр

Ус үгүйрэхэд амьдрал үгүйрнэ.

Усгүй үгүйрэхэд амьдрал үгүйрнэ. Алт үгүйрэхэд харин аз жаргал үгүйрэхгүй.

2018 оны 7 дугаар сарны 4-ний өдөр 

Довныхон даваан дээр гарч үз.

Довныхон даваан дээр гарч үз. Уужим,тэнэгэр, уудам. Энэ мэдрэмжээрээ тэд довны үзлээс салж мэднэ.

2018 оны 6 дугаар сарын 30-ны өдөр 

Боловсрол эвдэрхий тогтолцооны хэлтэрхий

Эвдэрхий тогтолцооны хэлтэрхийг засах боломжгүй. Боловсролыг өндийлгөх иймд ийм л амаргүй юм.

Ц.Лувсандорж 
2018 оны 4 дүгээр сарын 19-ны өдөр 

Тэсийн гол минь

                    Тэсийн гол минь 


Тэртээх уулсан чимэгтэй урсгалд тань би уусдаг. 

Тэнгэрийн үүлсэн эгшигтэй аялгуунд тань би урсдаг.

Тэнхээт хөлөгөн домогтой түүхэнд тань би уяардаг.

Тэсэхийн шивнээн сургаальтай нэрэнд тань би дуурсдаг.

                             
 Тэсийн гол минь миний тэсэхийн сургууль минь юм.

 Тэсэхийн сургааль минь миний Тэсийн гол минь мөн.


Чацаргана алтарсан шугуйн анираар тань би эгшиглэдэг.

Цан хүүрэгнэсэн булагийн  өнгөөр тань би гоёдог.

Чансаат хүмүний дуулалтай алдраар  тань би  бахархдаг.

Тэвчихийн сэвшээн дуудлагатай нэрээр тань би овоглодог.

Тэсийн гол минь миний тэсэхийн сургууль минь юм.

 Тэсэхийн сургааль минь миний Тэсийн гол минь мөн.

Цан хүүрэг савсуулсан тэсгэм хэмээр  тань би эрхэмсдэг.

Цасан далайг санагдуулсан орчлоор тань  би  хөглөгддөг.

Цасны эрвээхэй мэт дэрвэлзсэн үрсээр тань би үргэлжилдэг.

Цэв цэнхэр тэнгэрийн тув тунгалаг салхиар тань би сэвэлздэг.

Тэсийн гол минь миний тэсэхийн сургууль минь юм.

 Тэсэхийн сургааль минь миний Тэсийн гол минь мөн.

Тэсэхийн шивнээн сургаальтай нэрэнд тань би дуурсдаг.

 Тэртээх уулсан чимэгтэй урсгалд тань би уусдаг

 Тэвчихийн сэвшээн дуудлагатай алдраар тань би цуурайтдаг.

 Тэнгэрийн үүлсэн эгшигтэй аялгуунд тань би сэвэлздэг.

  
Тэсийн гол минь миний тэсэхийн сургууль минь юм.

 Тэсэхийн сургааль минь миний Тэсийн гол минь мөн.

 Ц.Лувсандорж

2018 оны 4 дүгээр сарын 5-ны өдөр

Шарга морьтын зуслан

Хань

            төсөл

 

Хань минь

Харах нүдэнд онцгойрч өлзий барьж гийсэн

Хайрлах зүрхэнд сондгойрч ерөөл болж буусан ?

Сэтгэлд эгшиглэсэн уянга минь
Сэтгэлээрээ нэгссэн хань минь.

 

Бодолд  шивэрсэн бороо минь

Бодлоороо ижилссэн хань минь

Төрхтэй минь адилссан тэр минь.

Төөргөөр ихэрлэсэн хань минь.

Ц.Лувсандорж

2018 оны 3 дугаар сарын 31-ний өдөр

Муу үйл тань үйлийг тань үзэх тул үйлээ л сайн шинж.

Үйл тань үйлийг тань үзэх тул үйлээ л сайн шинж.

Ц.Лувсандорж 

2018 оны 3 дугаар сарын 31-ний өдөр

Өрөөлийн төлөө өндөлз

Өрөөлийн төлөө үргэлж өндөлз. Амаргүй ч, ингэж чадсан амьдралаараа та тэр цагт л их бахархах болно.

Ц.Лувсандорж 

2018 оны 3 дугаар сарын 27-ны өдөр 

Мандая гэвэл дээд сэтгэлгээнд оч

Мандая гэвэл дээд сэтгэлгээнд оч

Бидний дордолт сэтгэлгээндээ байна.

Бидний мандалт ч сэтгэлгээндээ л бий.

Доройтоод л байя гэвэл дорд сэтгэлгээндээ л үлд.

Мандаад л байя гэвэл дээд сэтгэлгээнд оч.

Бүхэл нэгдээ жижгэрч багтана.

Нэг бүхэлдээ томорч оршино.

Бид сэтгэлгээндээ багадаж оршино.

Сэтгэлгээ бидэнд оршиж багтана.

Бидний ядуурал сэтгэлгээндээ байна.

Бидний доройтол сэтгэлгээндээ бий.

Бидний дордолт сэтгэлгээндээ л байна.

Бидний ядралт ч сэтгэлгээндээ л бий.

Ядуурлаас салгая гэвэл ядуухан сэтгэлгээнээс сал.

Доройтлоос холдоё гэвэл дорд сэтгэлгээнээс л холд.

Дордолтоос өндийе гэвэл дорой сэтгэлгээнээс ай.

Ядралтаас салъя гэвэл ядмаг сэтгэлгээнээс л сэжиглэ.

Галзуу хэлбэрдэлт тань ядуу сэтгэлгээ мөн.

Гандуухан хуулбарлалт нь дорд сэтгэлгээ юм.

Гундуухан хувилбарлалт тань дорой сэтгэлгээ мөн.

Гинжин хулгайлалт нь ядруу сэтгэлгээ юм.

Мөнх гэдэг тань мөнх бус мөн.

Хоосон гэдэг нь хоосон бус юм.

Үнэн гэдэг тань үнэн биш юм.

Зөв гэдэг тань зөв биш мөн.

Ядуухан сэтгэлгээнээс салья гэвэл мөнх бусыг мэд.

Дорд сэтгэлгээнээс холдьё гэвэл хоосонг мэдэр.

Дорой сэтгэлгээнээс өндийе гэвэл үнэнг ухаар.

Ядмаг сэтгэлгээнээс ангижрая гэвэл зөвийг барь.

Бидний дордолт сэтгэлгээндээ байна.

Бидний мандалт ч сэтгэлгээндээ л бий.

Доройтоод л байя гэвэл дорд сэтгэлгээндээ үлд.

Мандаад л байя гэвэл дээд сэтгэлгээнд оч.

Ц.Лувсандорж

2018 оны 2 дугаар сарын 14-ны өдөр
 http://monaphorism.blogspot.com/2018/02/blog-post_13.html

Төв ухаан жам ёс

Төв ухаан жам ёс

Төв ухаан бүх ухаан
Төв ухаан бүх үзэл
Төв ухаан бүх зарчим
Төв ухаан жам ёс

Төв ухаан шинжлэх ухаанч хандлага
Төв ухаан олон утгат логик
Төв ухаан тогтолцооны онол
Төв ухаан хүчин зүйлийн шинжилгээ

Төв ухаан харанхуйг гэтлэх арга
Төв ухаан ухааралд хүргэх барил
Төв ухаан гэгээрэл хөтлөх арга
Төв ухаан үүнээс ч хэтэдсэн үнэн ёс

Ц. Лувсандорж

2018 оны 2 дугаар сарын 11-ний өдөр

 http://monaphorism.blogspot.com/2018/02/blog-post_10.html

Манай багш нар хэтэрхий номой

Манай багш нар хэтэрхий номой

Манай багш нар хэтэрхий номой.
Манай дарга нар хэтэрхий даваргаа.
Манай намчид хэтэрхий долдой.
Манай номчид хэтэрхий пялдаг.

Чадвартай багш өөртөө итгэлтэй.
Чадвартай удирдагч өөрийн үзэлтэй.
Чадвартай улс төрч өөрөө манлайлагч.
Чадвартай эрдэмтэн өөр ертөнц.

Пялдаг номчид эрдэмтэй болог.
Долдой намчид шударга болог.
Даваргаа дарга номхон болог.
Номой багш нар номтой болог.

Ц.Лувсандорж

2018 оны 2 дугаар сарын 11-ний өдөр

 http://monaphorism.blogspot.com/2018/02/blog-post.html

Хайрлахгүй байхын аргагүй

Хайрлахгүй байхын аргагүй

Мөнх бусыг мэдрэхэд

Нулимстын энэ мөчөө

Хайрлахгүй байхын аргагүй.

Мөнх гэдгээ мэдэхэд

Нулимстын тэр андаа

Гамнахгүй байхын аргагүй.

Мөнх бусыг ухаарахад

Уулзах учрал бүхнээ

Эрхэмлэхгүй байхын аргагүй.

Мөнх гэдгээ бодохоор

Үйлдэх үйл бүрээ

Цэгнэхгүй байхын аргагүй.

Мөнх бусыг санагалзахад

Мандах наран бүрт

Баярлахгүй байхын аргагүй

Мөнх гэдгээр сэрэхэд

Сэвэлзэх өглөө бүрт

Талархахгүй байхын аргагүй.

Мөнх бусыг шивнэхэд

Орших эгшин бүрээ

Гамнахгүй байхын аргагүй.

Мөнх гэдгээр шившихэд

Одох агшин бүрийг

Хайрлахгүй байхын аргагүй.

Ц.Лувсандорж

2018 оны 1 дүгээр сарын 27-ны өдөр 

 http://undesniibolovsrol.blogspot.com/2012/01/blog-post_22.html

Тогтвортой хөгжил өөрт тань бий

        Тогтвортой хөгжил өөрт тань бий

    Үглэх бус харин үйлд.
     Хураах бус харин хуваа.
     Шунах бус харин гамна.
      Идэх бус харин хайрла.
     Сарних бус харин нэгсэ.
      эрэх бус харин эргэцүүл.
       
     Тогтвортой хөгжил үгэнд тань бус харин үйлд тань бий.
     Тогтвортой хөгжил хураахад тань бус харин хуваахад тань бий.
     Тогтвортой хөгжил шуналд тань бус харин гамнахад тань бий.
     Тогтвортой хөгжил идэхэд тань бус харин хайрлах тань бий.
     Тогтвортой хөгжил сарнихад бус харин нэгсэхэд бий.
     Тогтвортой хөгжил тань өрөөлд бус харин өөрт тань бий.

Ц.Лувсандорж

2018 оны 1 дүгээр сарын 18-ны өдөр

http://monaphorism.blogspot.com/2018/01/blog-post_17.html

Бодсоных нь дагуу бүү бод. Бодлынх харин цаана нь бод.

Бодсоных нь дагуу бүү бод.
Бодлынх харин цаана нь бод.

Ц.Лувсандорж

2018 оны 1 дүгээр сарын 7-ны өдөр

http://monaphorism.blogspot.com/2018/01/blog-post.html